ԴԱԻՇ-ի գրոհայինները երկու ահաբեկչություն են իրագործել Սիրիայում՝ Էլ-Հասակեի կենտրոնում և քաղաքի հյուսիս-արևելքում: Ավելի քան 30 մարդ է զոհվել, առնվազն 45 հոգի հիվանդանոց է հասցվել, RIA Novosti-ին հայտնել է աղբյուրը սիրիական ազգային աշխարհազորայիններից:
«Առաջին պայթյունը որոտացել է Հաշման հրապարակում Էլ-Հասակեի հյուսիսարևելյան մուտքի մոտ, այնտեղ վերահսկում են քուրդ աշխարհազորայինները YPG-ից: 10 մարդ է զոհվել, 25 հոգի վիրավոր է: Երկրորդ պայթյունը տեղի է ունեցել քաղաքի կենտրոնում ուղիղ կես ժամ հետո՝ պայթել է 5 տոննա պայթուցիկով ցիստեռն, զոհվել է առնվազն 20 մարդ, տասնյակ մարդիկ վիրավոր են»,- ասել է գործակալության աղբյուրը:
Նրա խոսքով՝ երկրորդ պայթյունը տեղի է ունեցել նախկին դպրոցի շենքի մոտ, որտեղ հիմա Սիրիայի Ազգային աշխարհազորայինների շտաբն է: Պայթյունի հետևանքով ամբողջովին ավերվել է 4 բնակելի շենք:
Ազգային աշխարհազորայինների տեղեկությամբ՝ ներկայումս մասնագետները քաղաքի կենտրոնում ականազերծում են փոքր բեռնատար: Այն հաջողվել է հայտնաբերել նախքան ահաբեկիչները դետոնատորը գործի կգցեին:
