Այսօր TIME ամսագիրը հրապարակել է 2011 թ. ամենաազդեցիկ մարդկանց ցուցակը: Այս ցուցակում առաջին տեղը զբաղեցրել է Եգիպտոսի հեղափոխության հերոսներից մեկը` այդ երկրում Google ընկերության ներկայացուցիչ Վայել Ղոնեմը, որը հեղափոխության օրերին ձերբակալվել էր Մուբարաքի ռեժիմի կողմից, ապա ազատվելուց հետո դարձել «փողոցի առաջնորդներից» մեկը:
Արաբական արևելքում վերջին ամիսների «նյուզմեյքեր» դարձած Մուամար Քադաֆիի որդին` Սայֆ Ալ-Իսլամը նույնպես տեղ է զբաղեցրել այս ցուցակում: Հայտնի չէ` պատահականությո՞ւն է սա, թե՞ ոչ, քանի որ ներկայացված չէ, թե ինչ սկզբունքով է կազմվել ցուցակը:
Ցուցակում տեղ են զբաղեցրել մի շարք առանցքային հասարակական-քաղաքական գործիչներ, որոնք մեծ ազդեցություն ունեն համաշխարհային գործընթացների վրա: Այստեղ են Մարկ Ցուկերբերգը, Անգելա Մերկելը, Նիկոլա Սարկոզին, Միշել և Բարաք Օբամաները, երգիչ Ջասթին Բիբերը, արքայազն Ուիլյամն ու նրա հարսնացու Քեյթ Միդլթոնը, Հիլարի Քլինթոնն ու Մուքթադա Ալ-Սադրը, մարզիկներ Լիոնել Մեսսին, Քիմ Քլիյսթերսը և ուրիշներ:
