Նավթային մագնատ Հարոլդ Հեմը բախվել է ամուսնալուծության արհավիրքային պայմաններին այն բանից հետո, երբ կինը նրան մեղադրել է դավաճանության մեջ:
Հեմի ամուսնալուծությունը կարող է պատմության մեջ ամենաթանկարժեքը դառնալ:
Forbes-ի տարբերակով՝ Հեմն ամերիկացի միլիարդատերերի վարկանշային աղյուսակում 35-րդ տեղն է զբաղեցնում, նրա կարողությունը 11,3 միլիարդ դոլար է գնահատվում:
Մագնատն արդեն հայտարարել է, որ ամուսնալուծության արդյունքները ոչ մի հետևանք չեն թողնի իր ընկերության վրա: Սակայն Reuters-ը տեղեկացրել է, որ դատարանը կարող է ստիպել Հեմին հրաժարվել ընկերության իր բաժնետոմսերի ուղիղ կեսից, որն այժմ 68 % է կազմում: Խոսելով իրավաբանների հետ՝ հրատարակչությունը եկել է այն եզրակացության, որ ամուսնալուծության արդյունքում Հեմը կարող է ավելի շատ կորցնել, քան ժամանակին մեդիամագնատ Ռուպերտ Մերդոկը, ով իր նախկին կնոջը ստիպված է եղել 1,7 միլիարդ դոլար տալ:
Ինչպիսին էլ որ լինի ամուսնալուծության վերջնական արդյունքը, այն մի մարդու պատմության ողբերգական շրջան է, ով իր կարողությունը զրոյից է կուտակել: Հեմը ծնվել է Օկլահոմայում՝ բամբակ հավաքողների աղքատ ընտանիքում:
