«Ժառանգություն» կուսակցության առաջնորդ Րաֆֆի Հովհաննիսյանն այսօր Ազատության հրապարկում դարձյալ հեռակա դիմեց Սերժ Սարգսյանին՝ ասելով, որ ուշ չէ, մինչև ապրիլի 9-ը Սերժ Սարգսյանը կարող է դիմի ՍԴ՝ պահանջով, որ բացվեն քվերատուփերը:
Ամփոփելով բաց քաղաքացիական խորհրդի հերթական նիստը Րաֆֆի Հովհաննիսյանը ասաց. «Մի բանում մենք միասին ենք, որ բարևի հեղափոխությունը, սիրո հեղափոխությունը տանենք մինչև հաղթանակ: Ոչ մեկը ճշմարտության բանաձևը չգիտի»:
Րաֆֆի Հովհաննիսյանը նշեց, որ եթե Սերժ Սարգսյանը վաղը գա հրապարակ, ինքը չի մերժելու, կընդունի նրան:
«Եթե պարոն Սարգսյանը պատրաստ է՝ բանակցություն, թե քննարկում, ինչ էլ լինի, եթե ուզենա գա Ազատության հրապարակ, ես չեմ մերժելու, պիտի ողջունենք»:
Նա հրապարակում հավաքվածներին հիշեցրեց, որ իրենց պահանջները շատ կարևոր են՝ մարզպետների ու հիմնական գերատեսչությունների ղեկավարների պաշտոններ: Րաֆֆի Հովհաննիսյանի խոսքով՝ եթե այնպիսի վիճակի բերեն, որ այդ պահանջները կատարվեն, ապա իշխանության գիտակցության մեջ փոփոխություն կկատարվի: