Մեխիկոյի քաղաքապետ Միգել Անխել Մանսերայի մարտ ամսվա աշխատավարձից կպահվի մի քանի օրերի վճարը, քանի որ նա մեկնել է Վատիկան` մասնակցելու Հռոմի պապ Ֆրանցիսկոսի երդմնակալության արարողությանը: Ինչպես հաղորդում է RIA Novosti-ն, այս մասին հայտարարել է Մեքսիկայի մայրաքաղաքի ՆԳՆ ղեկավար Հեկտոր Սերանո Կորտեսը:
«Կան փաստաթղթային վկայություններ, որ կառավարության ղեկավարը թույլտվություն չի ստացել այդ օրերին բացակայելու և Եվրոպայում անցկացնելու համար, ինչպես նաև նրան ուղեկցող օգնականները»,- հայտարարել է Կորտեսը:
Նախարարը հստակեցրել է, որ ճամփորդությունն իրականացվել է Մանսերայի անձնական միջոցներով: Նա հաստատել է այն փաստը, որ քաղաքապետը հրավերք է ստացել Վատիկանի իշխանություններից՝ մասնակցելու Պապի երդմնակալության արարողությանը:
Ավելի վաղ Մանսերան հայտարարել է, որ իր ճամփորդության գումարը չպետք է կապվի Մեխիկոյի բյուջեի հետ:
Մանսերան դեռևս չի վերադարձել Մեքսիկա. ԶԼՄ-ների տվյալներով` Վատիկանից հետո նա մեկնել է Իսպանիա:
