2008-ի սեպտեմբերի 23-ին Եվրախորհրդարանի ավելի քան 400 անդամներ հռչակագիր են ստորագրել, որում առաջարկել են օգոստոսի 23-ը հռչակել Ստալինիզմի և նացիզմի զոհերի հիշատակի օր: Փաստաթղթի նախաձեռնողներից են եղել պատգամավորներ Թունե Քելամը (Էստոնիա), Յոժեֆ Սայերը (Հունգարիա) և Հանա Գիբաշկովան (Չեխիա):
Օրվա ընտրությունը պայմանավորված էր նրանով, որ 1939-ի օգոստոսի 23-ին ԽՍՀՄ-ն ու Գերմանիան ստորագրել են Մոլոտով-Ռիբենտրոպի պակտ անվանումը ստացած՝ չհարձակվելու մասին պայմանագիրը:
2009-ի ապրիլի 2-ին հռչակագիրն ընդունվել է Եվրախորհրդարանի կողմից:
2009-ի հունիսի 18-ին Էստոնիայի խորհրդարանը օրենք ընդունեց, համաձայն որի` օգոստոսի 23-ը հայտարարվել է Ստալինիզմի և նացիզմի հանցագործությունների զոհերի հիշատակի օր:
Լատվիայի սեյմը համապատասխան որոշումն ընդունել է 2009թ. հուլիսի 16-ին:
2009-ի հուլիսին Լիտվայի սեյմը հիշատակի օրերի մասին օրենքում ուղղում է ընդունել, համաձայն որի` օգոստոսի 23-ը սկսեց կոչվել Ստալինիզմի և նացիզմի զոհերի հիշատակի եվրոպական օր:
