Բրազիլական «Ֆլումինենսե»-ի 19-ամյա հարձակվող Քենեդին համալրել է Լոնդոնի «Չելսի»-ի շարքերը: Այս մասին տեղեկացնում է «ազնվականներ»-ի պաշտոնական կայքը:
Հարձակվողը հայտարարել է, որ բավականություն է ստանում Ժոզե Մոուրինյոյի հետ աշխատանքից:
«Անգլիայի չեմպիոնի կազմ տեղափոխությունը հիանալի է ինձ համար: Հուսով եմ` կկարողանամ օգտակար խաղացող լինել: Մոուրինյոյի հետ աշխատանքից բավականություն եմ ստանում»,- հայտարարել է հարձակվողը:
Այսպիսով` Քենեդին «Չելսի»-ում միացել է իր հայրենակիցներ Վիլիանին, Օսկարին ու Ռամիրեսին: Լոնդոնյան ակումբի ևս մեկ բրազիլացի` Նատանը, վարձակալական հիմունքներով հանդես է գալիս «Վիտես»-ում:
