ԴԱԻՇ ծայրահեղական խմբավորման ղեկավարությունում երկրորդ մարդ հանդիսացող Ֆադհիլ Ահմադ Հայալին, որը հայտնի է որպես Հաջի Մուտազ, սպանվել է Իրաքի հյուսիսում գրոհայինների դիրքերին ուղղված ամերիկյան ավիահարվածի ընթացքում։ Այս մասին հայտնում է Սպիտակ տունը՝ փոխանցում է BBC-ն։
Հաղորդվում է, որ Հաջի Մութազը սպանվել է դեռևս երեքշաբթի՝ իրաքյան Մոսուլ քաղաքում, երբ ընթանալիս է եղել ավտոմեքենայով։
Վաշինգտոնում ենթադրում են, որ նրա մահը կդժվարացնի ջիհադականների համար նոր հարձակումների նախապատրաստվելը։
Համարվում է, որ նա եղել է 2014-ի հունիսին Մոսուլի վրա ԴԱԻՇ-ի հարձակման գլխավոր ղեկավարներից մեկը։
Խմբավորման մեջ Հայալին պատասխանատու է եղել Իրաք և Սիրիա զենքի, պայթուցիկների և տեխնիկայի մատակարարումների համար։
Հայալիի մահն էականորեն կանդրադառնա ԴԱԻՇ-ի գործողությունների վրա՝ հաշվի առնելով այն, որ նրա տնօրինության տակ են գտնվել ԴԱԻՇ-ի ֆինանսները, ԶԼՄ-ները, լոգիստիկան։
