Samsung Electronics-ը թողարկել է սեփական վճարային համակարգը՝ Samsung Pay անվան ներքո։ Ներկա պահին ծառայությունը հասանելի է միայն Հարավային Կորեայի բնակիչներին, սակայն Samsung-ը խոստանում է մոտ ժամանակներս նորույթով դուրս գալ համաշխարհային շուկա։
Համակարգը սպասարկում են Galaxy S6, Galaxy S6 Edge, Galaxy S6 Edge+ և Galaxy Note 5 սարքերը։
Ինչպես վստահեցնում են մշակողները՝ ծառայությունը կարելի է կիրառել ավանդական բանկային գործարքների մեծ մասի համար, ինչը թույլ կտա մոտ ապագայում լիովին հրաժարվել պլաստիկ քարտերից։ Տվյալների մագնիսական փոխանցման տեխնոլոգիան զգալի առաջընթաց է, որին հասել է հարավկորեական կորպորացիան LoopPay ընկերության ձեռքբերումից հետո:
