Մարտի 1-ին ԱՄՆ դաշնային բյուջեն պատած սեկվեստրը Պենտագոնին ստիպել է վերանայել ռազմական ազգային ռազմավարությունը: Այս մասին հայտնում է Reuters գործակալությունն ու հիշեցնում, որ ռազմավարությունն անցած տարի հավանության էր արժանացրել նախագահ Բարաք Օբաման:
Պաշտպանության նախարար Չակ Հեյգելը մոտ օգնականներին հանձնարարել է ևս մեկ անգամ վերլուծել առաջնահերթությունները՝ կապված ԶՈւ զարգացման ծախսերի հարկադիր կրճատման հետ:
ՊՆ-ն պետք է պարբերաբար ստուգի, թե ինչպիսի հնարավորություններ ունի պաշտպանական ռազմավարության և դոկտրինայի իրականացման համար՝ նշել է Հեյգելը հատուկ հուշագրում, որն ուղարկվել է գերատեսչության աշխատակիցներին: Նա ենթականերին խնդրել է պատրաստել եզրակացություն այն մասին, թե ինչպես կարող է սեկվեստրը առաջիկա 10 տարում անդրադառնալ ռազմական ոլորտում ռազմավարական նպատակներին հասնելու ԱՄՆ-ի հնարավորությունների վրա:
Այդ ժամանակաշրջանում ՊՆ-ն ստիպված կլինի կրճատել ծախսերը 487 մլրդ դոլարով: Ընթացիկ ֆինանսական տարում, որը կավարտվի սեպտեմբերի 30-ին, Պենտագոնի բյուջեն պետք է կրճատվի 46 միլիարդ դոլարով:
Ընդհանուր առմամբ այդ շրջանում ԱՄՆ դաշնային բյուջեի ծախսերը պետք է կրճատվեն 85 միլիարդ դոլարով: