Խաղաղության խնդիրների հետազոտման Ստոկհոլմի միջազգային ինստիտուտի (SIPRI) հաշվարկներով՝ Ռուսաստանին է բաժին ընկնում Սիրիայի կողմից սպառազինության հիմնական տեսակների գնման 71 տոկոսը: Նշենք, որ սպառազինության հիմնական տեսակների ներքո SIPRI-ն դիտարկում է մարտական զրահապատ մեքենաները, տանկերը, հրետանային համակարգերը, հարվածային ուղղաթիռները, մարտական ինքնաթիռները, ռազմական նավերը, հրթիռներն ու հրթիռային սարքերը: Խոսքը հրազենի մասին չէ: Այս մասին հայտնում է MIGnews.com-ը:
Հարկ է նշել, որ SIPRI-ի տվյալներով՝ 2008-2012 թթ. Սիրիան Ռուսաստանից սպառազինություն գնելու ծավալը ոչ միայն պահպանել է, այլև ավելին՝ 2012-ին Ասադին ուղղված ռուսական մատակարարումները չեն դադարեցվել:
Ընդ որում՝ Ռուսաստանը չի հերքում, որ շարունակում է զենք մատակարարել սիրիական ռեժիմին՝ հաստատելով, սակայն, որ ռուսական կառավարության կողմից զենքը չի կիրառվում ապստամբների դեմ պայքարում: Դրա հետ մեկտեղ Արևմուտքը կարծում է, որ հենց ծանր սպառազինությունն է օգնում Ասադին գերիշխանություն պահպանել գրոհայինների նկատմամբ:
