Ազգային վիճակագրական ծառայությունը այսօր հրապարակել է 2011 թ. մարտ ամսվա որոշ մակրոտնտեսական ցուցանիշներ, ըստ որոնց՝ 2011 թ. մարտին 2010 թ. նույն ամսվա համեմատ տնտեսական ակտիվության ցուցանիշը (ՏԱՑ) ընդհանրապես չի փոխվել:
2011 թ. մարտին (նախորդ տարվա նույն ժամանակահատվածի համեմատ) աճել է արդյունաբերական արտադրանքի ծավալը` 5.9%-ով և առևտրի շրջանառությունը` 5%, իսկ շինարարությունը, գյուղատնտեսությունն ու ծառայությունները շարունակել են անկում ապրել համապատասխանաբար 5.2%-ով, 2%-ով և 7.4%-ով:
Նշենք, որ 2011 թ. առաջին եռամսյակի ՀՆԱ-ի վերաբերյալ ցուցանիշը ԱՎԾ-ն կհրապարակի հունիս ամսին: