Գրականության Նոբելյան դափնեկիր Գաբրիել Գարսիա Մարկեսի աճյունափոշին հողին կհանձնվի դեկտեմբերին՝ կոլումբիական Կարթագենա քաղաքի գաղութային ժամանակների վանքում։ Այն հայրենիք կտեղափոխվի Մեքսիկայից։
Կոլումբիական այդ քաղաքում գրողն անցկացրել է իր կյանքի ոչ փոքր ժամանակաշրջան։ Այս մասին հայտնում է BBC-ն։
«Հարյուր տարվա մենություն» գրքի ապագա հեղինակն առաջին անգամ քաղաք էր եկել 1948 թվականին՝ տեղի թերթում որպես լրագրող աշխատելու համար։
Նրա ամենահայտնի վեպերից մեկի («Սերը ժանտախտի ժամանակ») գործողությունները նույնպես տեղի են ունենում այդ կոլումբիական նավահանգստում։
Մարկեսը կյանքից հեռացավ 2014-ի ապրիլի 17-ին՝ Մեքսիկայում, 87 տարեկանում։
