Նախկին ուսումնասիրությունները ցուց են տվել, որ կրծքով երկար կերակրելը խոչընդոտում է հետագայում երեխայի մոտ ճարպակալման առաջացմանը: Սակայն այժմ գիտնականները պարզել են, որ կերակրելու տևողությունը որևէ կերպ չի ազդում երեխայի հետագա քաշի վրա:
Ուսումնասիրողները նման եզրահանգման են եկել՝ համեմատելով 11-ամյա երեխաների երկու խմբերի: Նրանք պարզել են, որ կրծքով երկար ժամանակ կերակրված երեխաները մարմնի նույն զանգվածն ունեն, ինչ նրանք, ովքեր ավելի կարճատև են կրծքով կերակրվել:
Ավելի վաղ գիտնականները ուսումնասիրել են 6 տարեկան երեխաներին և ոչ մի տարբերություն չեն հայտնաբերել: Սակայն դա չի նշանակում, թե կրծքով կերակրելը ոչ մի օգուտ չունի: Այն նվազեցնում է աղեստամոքսային հիվանդությունները և էկզեմաները: Բրիստոլի համալսարանի անցկացրած նոր ուսումնասիրության համար17000 կանայք են ընտրվել, ովքեր իրենց երեխաներին կրծքով են կերակրել: Նրանց լրացուցիչ օգնություն է ցուցաբերվել՝ կրծքով կերակրումը շարունակելու համար:
Մայրերը իրենց երեխաներին նվազագույնը պետք է մեկ տարի կերակրեին: 11 տարի անց այդ երեխաների և երեք ամիս կերակրված երեխաների միջև ոչ մի տարբերություն չի հայտնաբերվել: Նրանց մարմնի զանգվածը գրեթե նույնն է եղել: Սակայն հաշվի առնելով այն հանգամանքը, որ այս ուսումնասիրությունը կատարվել է Nestle ընկերության կողմից, որը հայտնի է մանկական սննդի արտադրությամբ, շատ հավանական է, որ գիտական աշխարհի կողմից կասկածանքի և քննադատության արժանանա:
