Աֆղանստանում անվտանգության աջակցության միջազգային ուժերի կազմում հանդես եկող իսպանացի զինծառայողների ստորաբաժանումը՝ (ISAF) տեխնիկայով և ռազմական սարքավորումներով, լքում է Կալա-ե-Նաու քաղաքի ռազմաբազան, որը տեղակայված է Բադգիս հյուսիսարևմտյան նահանգում: Վերջիններս այնտեղից պետք է վերադառնան հայրենիք՝ հայտնում է RIA Novosti-ն:
Ներկայում իսպանացիներն արդեն փակել են առաջնային բազաները Մուկուրում ու Լուդինում, որտեղ գտնվող 45 զինծառայողները պատրաստ են հայրենիք թռչել արդեն հաջորդ երեքշաբթի:
Իսպանացի բոլոր զինվորականները տեղակայվել են Գերատի բազայում, որտեղ նրանց մի մասը կմնա մինչև 2014թ., ապա նրանք նույնպես կվերադառնան Իսպանիա:
Ներկայում Աֆղանստանում գտնվում է 1606 իսպանացի զինվոր ու սպա:
Աֆղանական ԶԼՄ-ների տեղեկություններով՝ 2003թ. հուլիսից երկրում զոհվել է այդ երկրի 100 զինծառայող:
