Newsru.com-ի փոխանցմամբ՝ հունիսի սկզբից ռուսական ռուբլին դոլարի ու եվրոյի հանդեպ նվազել է 17 տոկոսով։ Հաշվետու ժամանակահատվածում Brent տեսակի մեկ բարել նավթի գինը նվազել է 25 տոկոսով՝ 65.5 դոլարից նվազելով մինչև 49.3 դոլար։ Երեք շաբաթվա ընթացքում ռուսական ռուբլին 24 զարգացող երկրների արժույթներից ցուցաբերել է ամենավատ դինամիկան։
Bloomberg գործակալության տվյալներով՝ այդ ընթացքում ռուսական արժույթը դոլարի հանդեպ նվազել է գրեթե 12 տոկոսով, իսկ եվրոյի հանդեպ՝ 12.6 տոկոսով։ Իրենց դիրքերը զգալիորեն զիջել են նաև բրազիլական ռեալը (7 տոկոս) և կոլումբիական պեսոն (10 տոկոս)։ Զարգացող մնացյալ երկրների արժույթները դոլարի հանդեպ արժեզրկվել են 0.6-4 տոկոսով։
Կարճաժամկետ հեռանկարում Brent տեսակի մեկ բարել նավթի գինը կարող է նվազել մինչև 45 դոլար, իսկ գագաթնակետին դոլարը կարող է հատել 70 ռուբլու սահմանագիծը և ինչ-որ ժամանակ պահպանվել այդ մակարդակի վրա։