Դեռատի շվեդներին տրված կատակ-դիպլոմները, որոնք հանձնվել են լյութերական եկեցեղուն կից ճամբարում, ծնողների շրջանում վրդովմունքի հսկայական ալիք են բարձրացրել։ Վերջիններս հայտարարել են, որ իրենց 14-ամյա երեխաները դեռ չափազանց երիտասարդ են սեքսի համար:
«Սեր և սեքսուալություն» դասընթացներն անցնելուց հետո Ռոնեբբի քաղաքի դեռահասներին տրվել են գրավոր ապացույցներ, որ հիմա նրանք բավարար որակավորված են սեքսով զբաղվելու համար։
Ծնողներին հաղորդվել է, որ դասընթացները կազմակերպվել են Սեռական դաստիարակության շվեդական ասոցիացիայի (RFSU) կողմից, բայց ավելի ուշ պարզ է դարձել, որ այն տղմարդը, ով իրականացրել է դրանք, վաղուց արդեն կազմակերպությունում չի աշխատում:
RFSU-ի մամլո քարտուղար Ժոզեֆին Մորգեն հայտարարել է, որ իրենք այդ դասընթացները դադարեցրել են 2007-ից: Նա նշել է, որ չնայած դասընթացների կազմակերպողն արդեն ընկերության աշխատակից չէ, նրան մի քանի անգամ վարձել են նման աշխատանքների համար, ու նրա դեմ դեռ ոչ մի անգամ բողոքներ չեն ներկայացվել: