Լույս է տեսել ABBA լեգենդար խմբի մենակատար Ագնետա Ֆելտսկոգի When you really loved someone նոր ալբոմը, որի շնորհանդեսը տեղի կունենա մայիսին։
Սկավառակի ձայնագրության ժամանակ Ագնետան այնքան է կասկածել իր ուժերի վրա, որ վոկալի դասերի է մասնակցել: СВТ հեռուստաալիքին տված հարցազրույցում երգչուհին խոստովանել է, որ ալբոմն ընդհանրապես չպետք է լույս տեսներ. «Այս սկավառակը ծրագրված չէր: Ես կարծում էի, որ նախորդը վերջինը կլինի: Սակայն երբ լսեցի այդ երգերը, զգացի, որ ուղղակի պետք է դա անեմ»։
Ագնետան ակտիվ մասնակցել է ABBA-ի թանգարանի ստեղծմանը, սակայն ալբոմի շնորհանդեսի պատճառով նա չի կարող ներկա գտնվել դրա բացմանը, որը ևս մայիսին տեղի կունենա:
«Ես անպայման կայցելեմ թանգարան: Ես այնքան շատ եմ դրա վրա աշխատել, դրան եմ փոխանցել ոսկե սկավառակները և հագուստները: Ինձ պետք չէ դրանք կախել տանը և բոլորին ցույց տալ»,- ասել է նա:
