Ռուսաստանում մթերքների ոչնչացման դեմ խնդրագիրը հավաքել է ավելի քան 100 հազար ստորագրություն: Այս մասին հայտնում է podrobnosti.ua-ն:
Ավելի քան 100 հազար մարդ խնդրում է չեղարկել Ռուսաստան ներկրման արգելք ունեցող մթերքների ոչնչացման մասին հրամանագիրը և օրենք ընդունել այդ մթերքները կարիքավոր ռուսներին, մասնավորապես՝ վետերաններին, թոշակառուներին, հաշմանդամներին, բազմազավակներին, բնական աղետներից տուժածներին փոխանցելու մասին:
Ըստ խնդրագրի հեղինակների՝ մթերքի ոչնչացումից հրաժարվելու ևս մեկ պատճառ են այդ գործընթացների համար անհրաժեշտ լրացուցիչ ծախսերը, որոնք պետք է կատարվեն բյուջեից:
podrobnosti.ua-ի հաղորդմամբ՝ Ռուսաստանի Սամարա քաղաքում արդեն սկսել են Եվրոպայում արտադրված պատժամիջոցային մթերքների խմբաքանակի ոչնչացման գործընթացը: