Միայն վերջերս է հայտնի դարձել, որ Դեմի Մուրը վերջապես ապահարզանի փաստաթուղթ է ստորագրել, սակայն Էշթոն Քեթչերը չի շտապել ուրախանալ, քանի որ ամուսնալուծության բոլոր պայմանները կատարված չեն: Եվ ահա LaVieEnRose-ը գործի նոր մանրամասներ է հաղորդել:
Որոշ տվյալների համաձայն՝ Դեմին պահանջել է 290 մլն դոլար,և դա այն դեպքում, երբ Էշթոնի կարողությունը գնահատվում է 137 մլն դոլար:
Սակայն տիկինը համարում է, որ կարող է նման պահանջ ներկայացնել, քանի որ Քեթչերի համբավը մեծ մասամբ իր շնորհիվ է: Աղբյուրները, որոնք բացահայտորեն Դեմիի կողմից են, պնդում են, որ երբ նրանք հանդիպել են, Դեմին աստղ է եղել և կինոշուկայում ավելի մեծ արժեք է ունեցել, քան Էշթոնը: Իսկ հիմա ամեն ինչ հակառակն է:
Նրանք նշում են, որ Էշթոնն այսօր առնվազն «արժե» 100 մլն դոլար, իսկ, ահա, Դեմին գրեթե ոչինչ չի վաստակել: «Երկուսուկես մարդ» սերիալը ստեղծողների հետ Էշթոնի պայմանագիրը նրան կբերի 20 մլն դոլար, բացի այդ՝ նա գումար է ներդրել բիզնեսում: «Դեմին չգիտի, թե որքան է վաստակում Էշթոնը, բայց հավատացեք, որ նա դա կիմանա և կհասնի իր ուզածին»,– ասում են լրագրողները։
Ինչ էլ որ լինի, Դեմի Մուրը ցանկանում է, որ Քեթչերն իրեն «վճարի»՝ այդ բառի բոլոր իմաստներով:
Ընդհանուր առմամբ Դեմիի ֆինանսական գործերը հիմա այնքան էլ վատ չեն, սակայն նա այն ժամանակ թույլ է տվել Էշթոնին աստղ լինել և կերակրել ընտանիքը: Նա համարում է, որ հենց ինքն է օգնել ամուսնուն դառնալ այն, ինչ հիմա է և կարծում է, որ արդարացի կլինի, եթե նա փոխհատուցի իրեն այդ ամենը: Դրա հետ մեկտեղ, նա զգում է, որ Քեթչերը չի գիտակցում այդ ազդեցության կարևորությունը:
Քեթչերը նվաստացրել է նախկին կնոջը, վատ է վարվել նրա հետ, այդ պատճառով Դեմին հիմա ցանկանում է նույն կերպ վարվել: Եվ դա միակ միջոցն է, որը նա գիտի:
Ով է ճիշտ, ով մեղավոր՝ պարզ կդառնա ավելի ուշ: Հիմա դերասանները վարձել են լավագույն փաստաբաններին, որպեսզի համաձայնության գան:
