Էստոնիայում սկսել են ստորագրություններ հավաքել միասեռական զույգերի համակեցության օրենքի ընդունման դեմ, որը մշակվում է երկրի արդարադատության նախարարության կողմից։ Այս մասին հաղորդում է Postimees-ը:
Ակցիան կազմակերպել է «Ընտանիքի ու ավանդույթների պահպանության» հիմնադրամը (Perekonna ja Traditsiooni Kaitseks):
«Մեր վզին փաթաթում են հոմոսեքսուալ հարաբերությունների ու ընտանիքի հավասար իրավական ձևակերպումները: Եթե մենք անհապաղ հանդես չգանք ավանդական ընտանիքի պաշտպանությամբ, հոմոգաղափարախոսության արշավն արմատապես կփոխի էստոնական հասարակությունը, ու դա կառնչվի յուրաքանչյուրին»,- ասվում է օրենքի հակառակորդների հայտարարության մեջ:
Բանաձևը տեղադրված է համացանցում: Ակցիայի կազմակերպիչները մտադիր են 10 հազար ստորագրություն հավաքել մինչ մայիսի 12-ը ու այն հանձնել Էստոնիայի խորհրդարանին:
Էստոնիայում միասեռական հարաբերություններն արգելված չեն, սակայն ամուսնություններ պաշտոնապես չեն գրանցում:
