Մարտի 14-ին աշխարհի շատ երկրներում նշվում է ոչ պաշտոնական տոն՝«Պի» (π) թվի օրը: Այն նվիրված է հայտնի մաթեմատիկական՝ 3,14 հաստատունին: Այս մասին հայտնում է RBK-ն:
Տոնը նշում են մաթեմատիկայի սիրահարները՝ մարտի 14-ին, ժամը 1:59:26-ին: Այս տոնը 1987 թվականին ներմուծել է Սան Ֆրանցիսկոյի ֆիզիկոս Լարի Շոուն, որը նշել է, որ ամսաթվերի գրառման ամերիկյան համակարգում մարտի 14-ը՝ 3/14-ը և 1:59:26 ժամը համընկնում են ստորակետից հետո «Պի»-ից առաջ և հետո ընկած առաջին նիշերին՝ 3,1415926…
Հատկանշական է, որ այս օրն է ծնվել հայտնի գիտնական Ալբերտ Էյնշտեյնը՝ հարաբերականության տեսության հիմնադիրը:
«Պի» թիվը մաթեմատիկական հաստատուն է, որն արտահայտում է շրջանի երկարության հարաբերությունը տրամագծին:
