Հայաստանում տաքսի-ծառայությունների օրենսդրության կարգավորման ազգային կենտրոնը նոր չափանիշներ է սահմանում: Ուշագրավ փոփոխություններ է առաջարկում՝ ավտոմեքենաների դեղին պետհամարանիշները ինքնակպչուն կտրոններով փոխարինել, բուժզննման և տեխզննման գործառույթները վերացնել, կիրառել տաքսիների հաշվիչների տարբերակված սակագներ, ինչպես նաև վարորդների չնորմավորված աշխատաժամանակի և վճարման, ինչպես նաև անհատ ձեռներեց վարորդների կարգավիճակը ֆիզիկական անձի կարգավիճակով փոխարինելու:
Վարորդների միության նախագահ Տիգրան Հովհաննիսյանը խոսեց այս փոփոխությունների նպատակահարմարության շուրջ: Ըստ բանախոսի՝ ցանկալի է, որ օրենսդրական նախաձեռնության մեջ ավելացվի «կամավոր» բառը, պետք է վարորդները ստիկերներից օգտվեն կամավորության սկզբունքով:
«Թող օգտագործվեն և դեղին համարանիշները, և սպիտակ համարանիշները, և կպչուն կտրոնները, ոչինչ թող չփոխեն: Եկեք մտածենք տաքսիների հաշվիչների մասին, վարորդների աշխատանքային պլանը վերացնելու և հստակ աշխատավարձ սահմանելու մասին: Հասկանանք, թե ստիկներն իրենցից ինչ են ներկայացնում»,- ասաց բանախոսը:
Նրա խոսքով՝ ոչինչ չպետք է փոխվի, քանի որ և քաղաքացիները, և վարորդները սովորել են տաքսիների դեղին համարանիշներին: Նա նշեց, որ պետք է այնպիսի փոփոխություններ անել, որ հետագայում չփոշմանենք ու նոր օրենսդրական նախաձեռնություն չերկայացնենք: Տիգրան Հովհաննիսյանի մտավախությունը հետևյալն է՝ այս նախաձեռնության ընդունումից հետո ավելի մեծ պարտադրանքներ կդրվեն անհատ վարորդների վրա:
