Միլիարդատեր Ջորջ Սորոսը դատի է տվել իր նախկին սիրեցյալին՝ 29-ամյա Ադրjանա Ֆերեյրին, զրպարտության և ննջարանի լուսամփոփի լամպով իրեն մարմնական վնասվածք հասցնելու փորձի համար: Այս մասին հայտնում է New York Post-ը:
2011 թվականին օգոստոսին Ֆերեյրը միլիարդատիրոջ դեմ 50 մլն դոլարի հայց էր ներկայացրել այն բանի համար, որ իրենց հնգամյա սիրավեպի ժամանակ նա իրեն խոստացել է իր համար անշարժ գույք գնել Նյու Յորքում, սակայն խոստումը չի պահել:
2010 թվականին «բնակարանային հարցի» պատճառով Սորոսի և ֆերեյրի միջև վեճ էր բռնկվել, որի ընթացքում միլիարդատերը, ինչպես նշվում է աղջկա փաստաբանների ներկայացրած փաստաղթերում, ձեռքով բռնել է նրա վզից՝ ցանկանալով խեղդել նրան և կոտրված լամպի ապակու կտորներով իրեն մարմնական վնասվածք հասցhել:
Սորոսը հայտնել է, որ ինքը և Ֆերեյրը, որն իրենից երիտասարդ է 53 տարով, մի քանի տարի ինտիմ կապ են ունեցել, սակայն շարունակել են հանդիպել նաև այլ մարդկանց հետ:
Սորոսը հայտնել է, որ վիճաբանությունը սկսվել է դեռ անկողնում: Ֆերեյրը վերցրել է անկողնուն կից գտնվող լամպն ու գիտակցաբար փորձել հարվածել Սորոսին: Նա լամպով հարվածել է միլիարդատիրոջ նախաբազկին: Սորոսը պնդում է, որ չի ծեծել Ֆերեյրին, և վերջինս վնասվել է կոտրված ապակու կտորներից:
