Պարզվում է՝ սառնարանի պատմությունն ավելի երկար է, քան մենք կարծում ենք. այդ սարքի նախատիպը ստեղծվել է դեռևս 1492 թ., հայտնում է kedem.ru-ն: Աշխարհում առաջին սառնարանը ստեղծել է Լեոնարդո դա Վինչին: Նրա նկարներն ու գծանկարները հայտնաբերել են Միլանում Museo Ideale Leonardo da Vinci թանգարանի աշխատակիցները:
Միլանի Գիտության և տեխնիկայի թանգարանի աշխատակիցները սառնարան են հավաքել ըստ նկարչի գծանկարների: Դրա աշխատանքի սկզբունքը շատ է տարբերվում ժամանակակից սառնարանից՝ այն ամուր կաշվից պատերով խցիկ է՝ վակուումով շրջապատված: Լեոնարդոն համարել է, որ այդպիսի պայմաններում մթերքներն ավելի երկար են պահպանվում: Արդյոք նա իրավացի՞ է եղել՝ պետք է պարզեն ժամանակակից գիտնականները:
