TheLocal.no-ի փոխանցմամբ՝ 79-ամյա նորվեգացի Տրյուգվե Բեռնհարդսենը լողալով անցել է 800 մետր՝ հասնելու համար իր 65-ամյա հարսնացու Էլլեն Հերտցբերգին։ Տղամարդը լողալիս եղել է երկու թոռների ուղեկցությամբ։ Ընդ որում՝ եղանակային պայմաններն ակնհայտորեն չեն նպաստել առաջ ընթանալուն։
Սկսվել է անձրև և բարձրացել է ուժգին քամի, դրա հետ մեկտեղ ջրի ջերմաստիճանը չի գերազանցել 14 աստիճանը։ Էլլեն Հերտցբերգը պատմել է, որ չի ունեցել ընտրության հնարավորություն. «Նա չէր ցանկանում ինձ հետ ամուսնանալ, եթե իրեն թույլ չտային լողալով հասնել ինձ։ Եվ ես մտածեցի՝ իսկ ինչու ոչ»։
Զույգը ծանոթացել է 15 տարի առաջ։ Տրյուգվե Բեռնհարդսենը լողի մեծ սիրահար է։
