ԱՄՆ Փենսիլվանիա նահանգի Բեթղեհեմ Թաունշիփ քաղաքի մի բնակչուհի շան հետ դուրս է եկել փողոց՝ զբոսնելու: Հենց որ կինն անցել է շեմը, միանգամից հսկայական փոս է տեսել:
Դեպքի վայր են ժամանած հրշեջներն անմիջապես շրջապատել են վտանգավոր փոսը։ Արտակարգ իրավիճակների ծառայության աշխատակիցները զննել են տները և պատերին ու տանիքներին ճաքեր հայտնաբերել:
Հրշեջ ծառայության ղեկավար Ռոն Ֆորդն ասել է, որ սողանքի պատճառները դեռ հայտնի չեն, և ինքը չի ցանկանում հապշտապ հայտարարություններ անել:
Սակայն ավելի ուշ պարզվել է, որ սողանքը չի ազդել տների ամրության վրա, և բնակիչները կարող են հանգիստ ապրել իրենց բնակարաններում:
Այս դեպքը տեղի է ունեցել Ֆլորիդա նահանգում մի քանի օր առաջ ողբերգական ավարտ ունեցած նմանատիպ դեպքից հետո: Անցած շաբաթ վեց ամերիկացիներ իրենց տանը նստած հեռուստացույց դիտելիս են եղել, երբ հանկած հատակը նրանց ոտքերի տակ սկսել է շարժվել, և բացված փոսի մեջ է հայտնվել 37-ամյա Ջեֆ Բուշը: Ընտանիքի մնացած անդամներին հաջողվել է փրկվել:
Փրկարարների՝ կորած տղամարդուն գտնելու բոլոր ջանքերն ապարդյուն են անցել։
