Թուրքական Anadolu լրատվական գործակալության փոխանցմամբ՝ օգոստոսի 3-5-ը անցկացվելու է Թուրքիայի Բարձրագույն ռազմական խորհրդի (YAŞ) նիստը, որը նախագահելու է երկրի վարչապետ Ահմեթ Դավութօղլուն։
YAŞ-ի նիստին մասնակցելու են Գլխավոր շտաբի պետ, բանակի գեներալ Նեջդեթ Օզելը, պաշտպանության նախարար Վեջդի Գյոնուլը, ցամաքային զորքերի հրամանատար, բանակի գեներալ Հուլիսի Աքարը, ռազմածովային ուժերի հրամանատար, բանակի ծովակալ (հատուկ չին թուրքական նավատորմում) Բյուլենթ Բոսթանօղլուն, ռազմաօդային ուժերի հրամանատար, բանակի գեներալ Աքըն Օզթյուրքը, Ժանդարմերիայի հրամանատար, բանակի գեներալ Աբդուլլահ Աթայը, Գլխավոր շտաբի պետի տեղակալ, բանակի գեներալ Յաշար Գյուլերը և բարձրաստիճան այլ պաշտոնյաներ։
Ակնկալվում է, որ նիստի արդյունքներով մի շարք զինվորականներ կստանան գեներալի ու ծովակալի կոչումներ, ոմանք էլ պաշտոնաթող կլինեն կամ էլ կիջեցվի նրանց կոչումները՝ կապված կարգապահական ու բարոյական բնույթի խախտումների հետ։ Բացի դրանից՝ YAŞ-ի նիստի արդյունքներով ավարտվելու է Նեջդեթ Օզելի, Բյուլենթ Բոսթանօղլուի, Աքըն Օզթյուրքի ու Աբդուլլահ Աթայի պաշտոնավարման ժամկետը։
Գլխավոր շտաբի պետի պաշտոնում Նեջդեթ Օզելին փոխարինելու է Հուլուսի Աքարը, որն այդ պաշտոնում կմնա ընդհուպ մինչև 2019 թվականը։ Ցամաքային զորքերի հրամանատար դառնալու համար կա երկու թեկնածու՝ 1-ին բանակի հրամանատար, բանակի գեներալ Սալիհ Զեքի Չոլաքը և Յաշար Գյուլերը։
