Լոնդոնի «Արսենալ»-ի գլխավոր մարզիչ Արսեն Վենգերը հայտարարել է, որ Էդեն Ազարը դեռ չի կարող այնքան բարձրակարգ ֆուտբոլ ցուցադրել, որքան Ռոնալդուն կամ Մեսսին:
«Մենք պարտավոր ենք համեմատել թվերը: Պետք է ասեմ, որ Ռոնալդուի կամ Մեսսիի կարգի ֆուտբոլիստները, ովքեր կարող են մեկ մրցաշրջանում իրենց ակտիվում 50-ական գոլ գրանցել, յուրօրինակ են:
Ազարը կարող է վճռել խաղի ելքը: Դա հատուկ է բարձրակարգ խաղացողի: Սակայն նա դեռ Մեսսիի և Ռոնալդուի մակարդակի չէ»,- Goal. Com-ը մեջբերում է Վենգերի խոսքերը:
Հիշեցնենք՝ Անգլիայի առաջնության նախորդ մրցաշրջանում Էդեն Ազարը մասնակցել է «Չելսի»-ի 38 հանդիպումների, 14 գոլ է խփել և գոլային 10 փոխանցում կատարել:
