Մարտի 13-ին Թաիլանդում նշվում է Փղերի ազգային օրը: Թաիլանդի բնակիչները կարծում են, որ իրենց երկրի ուրվագիծը հիշեցնում է կնճիթավոր փղի գլուխ՝ գրում է korrespondent.net-ը:
Բացի այդ՝ այդ երկրի պատմության մեջ փղերը համարվել են Աստվածության խորհրդանիշ ու մինչ օրս սրբացվում են:
Փղերը բազմիցս որպես «ծանր հրետանի» կիրառվել են պատերազմներում, անփոխարինելի են եղել դաշտերում ցանքսի ժամանակ ու բերքահավաքին: Այդ իսկ պատճառով էլ զարմանալի չէ, որ փղերի նկատմամբ կա պաշտամունքի հասնող հարգանք:
Նշենք, որ թաիլանդցիների համար հատուկ նշանակություն ունեն սպիտակ փղերը: Եթե երկրում հայտնաբերվում է այդ գույնի փիղ, այն միանգամից դառնում է միապետի սեփականությունը:
