Իրանը ծրագրում է երկրի հարավում երկու ատոմային էլեկտրակայան կառուցել՝ հայտարարել է Ատոմային էներգիայի իրանական կազմակերպության նախագահ Ալի Աքբար Սալեհին։ Այս մասին փոխանցում է Press TV-ն։
Հարավային Բուշեհր նահանգում էլեկտրակայանների շինարարության նախագիծը նախատեսված է 3-4 տարվա համար, դրա արժեքը կազմում է մոտ 10 մլրդ դոլար, մոտ 15 հազար մասնագետ-տեխնիկներ կներգրավվեն աշխատանքում՝ Սալեհիի խոսքերն է փոխանցում իրանական Press TV հեռուստաալիքը։
Ավելի վաղ հաղորդվել էր, որ Չինաստանն ու Իրանը համաձայնության են եկել Իրանի հարավում՝ Մակրանի առափնյա գոտում, երկու նոր ատոմակայանների շինարարության շուրջ։
«Մեր փորձագետները մի քանի անգամ գնացել են Չինաստան, չինացի մասնագետները բազմիցս եկել են մեզ մոտ։ Վիեննայում մենք բանակցություններ ենք անցկացրել ամերիկացիների և չինացիների հետ և պայմանավորվել ենք Թեհրան-Վաշինգտոն-Պեկին եռակողմ հանդիպում անցկացնել Չինաստանում»,- հայտարարել է Սալեհին։
