Շոտլանդիայի կառավարությունը պատանիներին ձայնի իրավունք կտա՝ երկրի անկախության համար տեղի ունենալիք հանրաքվեին մասնակցելու համար: Երկրի խորհրդարանն արդեն քննարկում է ընտրողների նվազագույն տարիքը 16-ը սահմանելու նախագիծը: Այս մասին հաղորդում է BBC-ն:
Ընտրողների նվազագույն տարիքն այժմ 18-ն է:
Ըստ իշխանությունների՝ տարիքային շեմի իջեցումը թույլ կտա հնարավորինս շատ քաղաքացիների մասնակցել 2014 թ. կայանալիք հանրաքվեին, որի արդյունքում կորոշվի Շոտլանդիայի՝ Մեծ Բրիտանիայի Միացյալ Թագավորության և Հյուսիսային Իռլանդիայի կազմից դուրս գալու հարցը:
Տարիքային շեմի իջեցման մտահղացումը պատկանում է Շոտլանդիայի ազգային կուսակցությանը, որն ամենախոշորն է խորհրդարանում: Ինչպես պնդում են կուսակցության անդամները, տվյալ նախագիծն աջակցություն է գտել EIS-ի՝ Շոտլանդիայում ուսուցիչների միության, Աշխատավորների միության, Ուսանողների ազգային խորհրդի և Ընտրական համակարգի բարեփոխման հանրության անդամների կողմից:
Պետք է նշել նաև, որ վերոնշյալ առաջարկությունը կապված չէ հանրաքվեի փաստն օրինականացնող օրենսդրական ակտի հետ:
