Ռուսաստանում իրացման համար պահպանակների մատակարարումները 2015թ. հունվար-հունիսին աճել են 3%-ով՝ մինչև 26 մլն հատ 2014թ. նույն շրջանի փոխարեն: Այս մասին հայտնում է TASS-ը՝ վկայակոչելով երկրի Պետական վիճակագրության դաշնային ծառայության տվյալները:
Ուսումնասիրության նյութերի համաձայն՝ մատակարարումների աճի գագաթնակետը եղել է 2015թ. ապրիլին՝ 51%-ով ավելի 2014թ. ապրիլի համեմատ, մարտին աճը եղել է 27 և մայիսին՝ 19%-ով ավելի:
Փորձագետները, որոնց շրջանում TASS-ը հարցում է կատարել, կարծում են, որ տնտեսական ճգնաժամի պատճառով ռուսները սկսել են ավելի լրջորեն վերաբերվել ընտանիքի պլանավորմանը և ավելի հաճախ են հրաժարվում թանկարժեք հորմոնալ հակաբեղմնավորիչներից՝ հօգուտ ավելի էժանների:
