Ամեն տարի՝ անձրևային շրջանի սկսվելուն պես տրիլիոնների հասնող ճանճեր Աֆրիկայի Վիկտորիա լճի ջրերից բարձրանում են և թռչում հսկայական երամով: Ասում են, որ երամն այնքան խիտ է, որ կարող է շնչահեղձ անել մարդկանց: Սակայն մեծ լճի ափերին ապրող մարդկանց համար դա սպիտակուցի ցանկալի աղբյուր է, հայտնում է odditycentral.com-ը:
Անձրևային շրջանի ժամանակ որոշ թռչուններ չվում են Վիկտորիա լիճ, որպեսի օգտվեն անվճար խնջույքներից:
Ճանճերը առաջացնում են անընդհատ բզզացող կենդանի մշուշ և ծածկում են ամեն հնարավոր մակերևույթ: Եվ չնայած թռչունները բավական մեծ քանակով ճանճ են ոչնչացնում, տեղաբնակների համար դրանց քանակը միշտ էլ ավելին է, քան պետք է: Որքան էլ զզվելի թվա ճանճից պատրաստված համբուրգեր ուտելը, այն ահռելի քանակի բիոզանգված է` համարժեք որսի կենդանիների մեծ հոտերին:
Վիկտորիա լճի ափերին ապրող մարդիկ պարզապես չեն կարող անտեսել իրենց շուրջ օդում թռչող սննդարար սպիտակուցը: Նրանք հավաքում են ճանճերին և պատրաստում ածխասև ճանճե բուրգերներ, որոնք յոթ անգամ ավելի սննդարար են, քան սովորական մսով բուրգերները:
Այն մարդկանց համար, որոնց սննդակարգում քիչ սպիտակուցներ են պարունակվում, այսպիսի ճանճե բուրգերները իսկական պարգև են, որոնք սովի ժամանակ կարող են դառնալ կյանքի փրկիչներ: Ամեն գյուղ ունի բուրգերի սեփական բաղադրատոմսը:
