Ադրբեջանի գլխավոր դատախազությունը ռուս գործարար Գերման Ստերլիգովի դեմ քրեական գործ է հարուցել երկու հոդվածով: Այս մասին ասվում է Ադրբեջանի ԱԳՆ-ի և Գլխավոր դատախազության համատեղ հաղորդագրության մեջ:
Ադրբեջանի Գլխավոր դատախազության կայքում ասվում է, որ «Ստերլիգովը և նրա ընտանիքի անդամները, առանց սահմանված փաստաթղթերի, հուլիսի 4-ին հատել են ադրբեջանական սահմանը»:
Ադրբեջանի գլխավոր դատախազությունը Ստերլիգովին մեղադրել է այդ պետության դեմ ուղղված բաց կոչերում (ՔՕ 281.2 հոդված) և «Ադրբեջանի Հանրապետության սահմաններն անօրինաբար հատելու համար» (ՔՕ 318.2 հոդված):
Հուլիսի 6-ին Ստերլիգովը լքել է Ռուսաստանը և մեկնել Լեռնային Ղարաբաղ:
Ավելի վաղ Ադրբեջանի ԱԳՆ-ն Ստերլիգովին ներառել էր անցանկալի անձանց ցուցակում:
