Եվրոգոտու պետպարտքը 2015-ի առաջին եռամսյակում շարունակել է աճը և հասել ՀՆԱ 92.9 տոկոսին, ինչը 1/3-ով գերազանցում է ՀՆԱ 60 տոկոսանոց վերին թույլատրելի շեմը, որն ամրագրված է եվրոգոտու բազային փաստաթղթում՝ Կայունության և աճի պակտում։ Նման տվյալներ է տարածել Եվրահանձնաժողովը՝ փոխանցում է TASS գործակալությունը։
Անցած տարվա հունվար-մարտ ամիսներին եվրոգոտու 19 պետությունների պետպարտքը կազմել է ՀՆԱ 91.9 տոկոս։
Ավելի արագ տեմպերով է աճում ԵՄ 28 երկրների պարտքը՝ 2014 թվականի առաջին եռամսյակի համեմատ 2015-ի առաջին եռամսյակում այն ավելացել է 86.2 տոկոսով՝ հասնելով ԵՄ ՀՆԱ 88.2 տոկոսի։
