Հուլիսին Ապենինյան թերակղզում հաստատված անոմալ շոգն Իտալիայի գյուղատնտեսությանը հասցրել է առնվազն 200 մլն եվրոյի վնաս։ Այս մասին հայտնում է գյուղմթերքի իտալացի արտադրողների խոշորագույն Coldiretti ասոցիացիան՝ փոխանցում է RIA Novosti-ն։
Ամսվա կեսին աֆրիկյան «Հարոն» հակացիկլոնը Ալժիրից Ապենինյան թերակղզի է բերել տաք օդային հոսանքներ, որոնց արդյունքում երկրի տարածքում գրանցվել է 38-40 աստիճան։ Օդերևութաբանների տվյալներով՝ հուլիսին նվազագույն ջերմաստիճանը գերազանցել է նորման միջինը 3.7 աստիճանով։
Եղանակային պայմաններն ազդել են նաև կենդանիների վրա։ Անկում է ապրում հավկիթի ու կաթի արտադրությունը։ Ամսական կտրվածքով և համազգային մասշտաբով կաթի արտադրությունը նվազել է 100 մլն լիտրով։
Այս ամառ լուրջ վնասներ են կրել եգիպտացորենի, ինչպես նաև բանջարեղեն և միրգ աճեցնողները։
