Ամերիկացիների 41 տոկոսը դեմ է հանդես գալիս ԱՄՆ Բարձրագույն դատարանի որոշմանը, որի համաձայն՝ երկրի բոլոր 50 նահանգներում կօրինականացվեն միասեռականների ամուսնությունները: Այս մասին վկայում են Asociated Press-ի պատվերով GFK սոցիոլոգիական ֆիրմայի անցկացրած հարցման արդյունքները: Որոշմանը կողմ է եղել քաղաքացիների 39 տոկոսը, իսկ 18 տոկոսը չեզոքություն է պահպանել, հայտնում է ՏԱՍՍ-ը:
Ամերիկյան միջավայրում այս տարաձայնությունների վրա մեծ դեր է խաղում նաև կրոնական գործոնը: Բնակիչների 56 տոկոսը կարծում է, որ կառավարության համար ավելի կարևոր է պաշտպանել կրոնական ազատությունը, սակայն 39 տոկոսը համարում է, որ առաջին հերթին պետք է պաշտպանել միասեռականների իրավունքը: Ամերիկացիների կարծիքը պետական հաստատությունների կողմից միասեռականներին ամուսնության վկայական տալու մերժման վերաբերյալ գրեթե կիսվել է:
