Բաթումի բնակիչները տեղի պարեկային ոստիկանությանը հայտնել են այն մասին, որ «պարող շատրվանի» մոտ գտնվում են 12 տարեկան 2 աղջիկներ, ովքեր չեն խոսում վրացերեն և լաց են լինում, ինչից էլ ենթադրվում է, որ նրանք կորել են: Այս մասին հայտնում է apsny.ge-ն:
Պարեկները հանդիպել են անչափահասների հետ, ովքեր միայն կարողացել են ասել, որ ավտոբուսով խմբի հետ Հայաստանից եկել են Բաթում և կորել են:
Ոստիկանները ստուգել են քաղաքի միջազգային համարանիշերով բոլոր ավտոբուսները, որի արդյունքում «Ռեդիսոն» հյուրանոցի մոտ գտել են Երևանից ժամանած խմբի ավտոբուսը:
Խմբի ղեկավարությունն ասել է, որ իրենք Բաթում էքսկուրսիայի են եկել Քոբուլեթիից, և քաղաքը դիտելու ժամանակ աղջիկները կորել են: Խմբի անդամները փորձել են ինքնուրույն գտնել աղջիկներին, սակայն անարդյունք: Տեղեկատվությունը ստուգելուց հետո ոստիկանությունը աղջիկներին ուղեկցել է մինչև ավտոբուս:
