ԱԺ ՀՅԴ խմբակցության պատգամավոր Արա Նռանյանը «Առաջին լրատվականի» հետ զրույցում անդրադարձավ ԼՂ սահմանի մոտ ադրբեջանական ինքնաթիռների հայտնվելու փաստին:
«Ինչպես քաղաքականության, այնպես էլ ռազմական արվեստի մեջ գոյություն ունի «ուժի ցուցադրություն» հասկացությունը: Նման դրսևորում են նաև ռազմական շքերթները, զորավարժությունները»,- նշեց նա` հավելելով, որ ՀՀ կողմից զորավարժություններ ցուցադրելուց հետո Ադրբեջանը չի ցանկանում ետ մնալ: Եվ հենց սրանով է պայմանավորված վերջին միջադեպը: Մանավանդ որ` ՀՅԴ-ական պատգամավորի խոսքերով, Ադրբեջանը փորձում է հզորացնել իր ռազմական օդուժը:
«Մենք այդ էտապը վաղուց անցել ենք, երբ մտածում էինք` ի վիճակի ենք դիմակայել Ադրբեջանին: Այդ կոմպլեքսներից վաղուց դուրս ենք եկել, և մեզ չեն կարող մի քանի օդանավի թռիչքով վախեցնել»,- ասաց Նռանյանը: