Շվեդ գիտնականները զգուշացնում են, որ պարզվում է՝ քնի պակասը հանգեցնում է իրանի հատվածում ճարպի կուտակման: Փորձի միջոցով մասնագետները կապ են գտել քնի պակասի և որովայնի շրջանում ավելորդ քաշի միջև, հայտնում է informing.ru-ն:
Գիտնականները նշում են, որ քիչ քնող մարդիկ խանութներից շատ վնասակար մթերքներ են գնում, հատկապես՝ քաղցրեղեն և խմորեղեն: Բացի դրանից՝ քանի որ քունը ճնշում է ուղեղի՝ ախորժակը մեծացնող հատվածները, քիչ քնող մարդկանց դեպքում միշտ ուտելու ցանկություն կա:
Գիտնականներին փորձի ընթացքում օգնել են կամավորներ, որոնց քնելուց հետո ուղարկել են մթերային խանութ: Դրանից առաջ նրանք լավ կերել են: Պարզվել է՝ մարդիկ, որոնք քիչ են հանգստացել, 18%-ով ավելի շատ մթերք են գնել, նաև 9%-ով ավելի շատ բարձր կալորիականությամբ սնունդ, քան նրանց գործընկերները, որոնք հրաշալի քնել են:
Քնի պակասը կարող է ազդել ոչ միայն ախորժակի վրա. այն մարդիկ, որոնք քիչ են քնում, մշտապես հոգնած են, դյուրագրգիռ, հակված փնթփնթալու, դժգոհ են:
