Դանիական TV2 հեռուստաալիքը կիրակրի օրը խոստովանել է, որ Սիրիայից ռեպորտաժի համար որպես լուսաբանող նկար (իլյուստտրացիա) սխալմամբ օգտագործել է համակարգչային հայտնի խաղից կադր,- հայտնում է Associated Press-ը՝ հղում անելով ալիքի ներկայացուցչին:
TV2-ի ներկայացուցիչ Յակոբ Նիբրոեն ասել է, որ փետրվարի 26-ին Սիրիայից արված ռեպորտաժի համար, փաստորեն, օգտագործվել է Assassin’s Creed խաղից կադր:
Հեռուստաալիքի աշխատակիցներից մեկը, որը պատկերը գտել է համացանցում, լիովին համոզված է եղել, որ դրանում պատկերված է Դամասկոսը: Սակայն Նիբրոեի խոսքերով՝ ռեպորտաժի՝ տեղի սոցցանցերում թողարկվելուց հետո սկսվել է լուսանկարի բուռն քննարկում:
Նիբրոեն տեղի ունեցածն անվանել է «սարսափելի սխալ, որը հիշեցնում է լուսանկարների աղբյուրները ստուգելու կարևորության մասին»:
Assassin’s Creed-ը թողարկվել է 2007-ին: Խաղում իադարձությունները տեղի են ունենում Մերձավոր Արևելքում, այդ թվում՝ Դամասկոսում: