Ջենիֆեր Գարների և Բեն Աֆլեկի ապահարզանի մասին պատմությունը շարունակվում է քննարկվել մամուլում, հայտնում է starslife.ru-ն: Մինչ ոմանք գուշակում են, թե արդյոք այդ պատմությունը իրական է, թե փիար է Աֆլեկի նոր ֆիլմի վրա ուշադրություն հրավիրելու համար, մյուսները քննարկում են դերասանների հոգեվիճակը նրանց բաժանվելուց հետո:
Դատելով պապարացիների կողմից բավականին հաճախակի տպագրվող լուսանկարներից՝ Ջենիֆերը ամբողջովին տարված է երեխաների հոգսով, իսկ Բենը սթափվելու համար ընտրել է տղամարդուն հատուկ ավանդական ձև` գնել է ավտոմեքենա: Աֆլեկի նոր «խաղալիքը» դարձել է սև Dodge Challenger Hellcat-ի սահմանափակ նմուշը, որը նրա վրա նստել է 90 հազար դոլար: Այդ մակնիշի մեքենա ընդամենը արտադրվել է 2 հազար հատ:
Հիշեցնենք, որ հունիսի 30-ին Ջենիֆեր Գարները և Բեն Աֆլեկը պաշտոնապես հայտարարել են իրենց ամուսնալուծության մասին: Այդ նորությունը աստղային զույգը որոշել է հայտարարել իրենց ամուսնության 10-ամյակի հաջորդ օրը:
