Սոցիալական արդարության իրավապաշտպան կենտրոնը հրապարակել է զեկույց, որում Մեծ Բրիտանիայի կառավարությանը կոչ է արել շտապ փոխել օտարերկրացիների շահագործման դեմ պայքարի մարտավարությունը: Այս մասին հայտնում է BBC-ն:
Փորձագետների կարծիքով՝ շահագործման զոհերի հետ հաճախ վարվում են ինչպես հանցագործների հետ, ինչի առնչությամբ զեկույցի հեղինակները կառավարությանը կոչ են արել հաստատել «ստրկության դեմ պայքարի հարցով հատուկ ներկայացուցչի» պաշտոն՝ երկրի սահմանային վերահսկողության ծառայությանը մասամբ զրկելով լիազորություններից:
Մեծ Բրիտանիայի կառավարությունը հերքել է փաստաթղթի մի շարք դրույթներ՝ ներկայիս համակարգը նկարագրելով որպես «նորմալ գործող»:
Անցած տարվա հոկտեմբերին հրապարակված զեկույցի համաձայն՝ 2011 թ. իշխանությունները հայտնաբերել են օտարերկրացիների շահագործման 946, 2010-ին՝ 710 դեպք:
