Հունաստանի Զինված ուժերի հազարավոր գործող և պաշտոնաթող սպաներ հավաքվել են Աթենքի կենտրոնում՝ իրենց բողոքն արտահայտելու կենսաթոշակների և աշխատավարձերի կրճատման դեմ: Այս մասին հայտնում է RIA Novosti-ն՝ հղում անելով «Պրոտո տեմա» կայքին: Զինծառայողներին աջակցություն են հայտնել իրավապահ մարմինների և առափնյա պահպանության աշխատակիցների արհմիությունները:
Լրագրողների գնահատականով՝ ակցիային մասնակցել են 10-16 հազար զինվորականներ: «Ո´չ Զինված ուժերի աղքատացմանը» կարգախոսով նրանք մոտեցել են խորհրդարանի շենքին, որտեղ փոխանցել են իրենց պահանջներով բանաձև: Հանրահավաքն ավարտվել է ազգային հիմնի կատարմամբ:
Ավելի վաղ դատարանը կենսաթոշակների կրճատումը 2012-ի օգոստոսի 1-ից ճանաչել էր ոչ սահմանադրական և Մարդու իրավունքների եվրոպական կոնվենցիային հակասող:
Զինվորականները մարտի 13-ին Սալոնիկում համանման ակցիա կկազմակերպեն:
