Իրանական Tasnim լրատվական գործակալության փոխանցմամբ՝ Իրանի գերագույն ղեկավար և հոգևոր առաջնորդ, այաթոլլահ Ալի Խամենեիի ու Իրանի նախագահ Հաան Ռուհանիի հանդիպումը տեղի կունենա այսօր երեկոյան։
Այդ մասին հայտարարել է Իրանի կառավարության ներկայացուցիչ Փարվիզ Էսմաիլին: «Իրանի նախագահ Հասան Ռուհանին ու նրա կաբինետը (նախարարները) գերագույն առաջնորդի հետ կհանդիպեն այսօր երեկոյան»,- հայտնել է նա։
Իրանն ու «վեցյակը» այսօր Վիեննայում պատմական համաձայնության են հասել իրանական միջուկային ծրագրի շուրջ։ Կողմերի միջև բանակցությունները մեկնարկել են ավելի քան 10 տարի առաջ։ Բանակցային եզրափակիչ փուլը Վիեննայում տևել է ավելի քան 18 օր։
