Չինական South China Morning Post պարբերականը ներկայացնում է ամենից ոչ միանշանակ տեխնոլոգիաները, որոնք Չինաստանում ակտիվորեն մշակվում են կամ պատրաստվում մշակման:
Նոր վիրուսների ստեղծում
Չինաստանում միանգամից մի քանի լաբորատորիաներ մշակում են մինչ օրս գոյություն չունեցող վիրուսներ: Եթե այդ վիրուսներից մեկը լաբորատորիայի սահմաններից դուրս գա, կարող է համաճարակ բռնկվել:
Փորձարկումներ սաղմերի վրա
Երկար ժամաակ Արևմուտքում քննարկվել է մարդկային սաղմից ցողունային բջիջներն առանձնացնելու հարցը: Ի վերջո որոշվել է հրաժարվել այդ գաղափարից էթիկական պատճառներով: Իսկ Չինաստանում այս հարցում միանշանակ կարծիք չկա:
«Չարի գեների» որոնում
Չինաստանում ակտիվորեն հետազոտություններ են կատարվում, որոնց նպատակն է հայտնաբերել գեները, որոնք պատասխանատու են ագրեսիայի և մարդու բացասական դրսևորումների համար:
Կրիոգենային տեխնոլոգիաներ
Կրիոնիկան տարածված է շատ երկրներում, բայց հենց Չինաստանում այդ ոլորտում հետազոտություններն ակտիվորեն ֆինանսավորվում են ինչպես մասնավոր ընկերությունների, այնպես էլ պետության կողմից: Գաղափարն այն է, որ մարդուն հնարավորություն տրվի գործնականում հավերժ ապրել՝ կրիոգենային խցիկում սառեցման շնորհիվ: Սակայն ներկայումս գիտնականները կարողանում են միայն սառեցնել, իսկ «հետ բերելը» հեռու ապագայի հարց է: Այդ պատճառով այդ տեխնոլոգիան Արևմուտքում շատ քննադատներ ունի:
ՄիկրոՌՆԹ գենետիկորեն մոդիֆիկացված օրգանիզմներում
Չինաստանում փորձերը թույլ են տվել հայտնաբերել ՌՆԹ-ի փոքր չկոդավորվող մոլեկուլներ, որոնք կարող են ազդել մարդու առողջության վրա գենետիկորեն մոդիֆիկացված մթերքների օգտագործման դեպքում: Եթե հետազոտության արդյունքները հաստատվեն, մարդը ստիպված կլինի վերաիմաստավորել իր մոտեցումը գենետիկորեն մոդիֆիկացված օրգանիզմների հարցում:
