Եվրահանձնաժողովն առաջիկա 5 տարիներին կարող է Հունաստանին տրամադրել 35 մլրդ եվրո՝ աշխատատեղերի ստեղծման և տնտեսության աշխուժացման համար։ Այս մասին ասվում է Եվրագագաթնաժողովի հայտարարության մեջ, փոխանցում է RIA Novosti-ն։
Այդ միջոցները կարող են հատկացվել ԵՄ տարբեր հիմնադրամներից։ Ըստ այդմ՝ «ԵՄ ներդրումային հիմնադրամը կպարունակի Հունաստանի համար ֆինանսավորման հնարավորություններ»,-ասվում է փաստաթղթում։
Եվրահանձնաժողովը կարող է մեծացնել նախնական ֆինանսավորման չափը՝ հասցնելով 1 մլրդ եվրոյի, որը պետք է անհապաղ խթան հաղորդի ներդրումներին, տնտեսությանը, ինչպես նաև փոքր և միջին բիզնեսին։
Ավելի վաղ հայտնի էր դարձել, որ եվրոգոտու առաջնորդները Հունաստանի հետ համաձայնության են հասել ֆինանսական օգնության երրորդ փաթեթի շուրջ։ Գագաթնաժողովը տևել է ավելի քան 17 ժամ։
