Հունաստանի պաշտպանության նախկին նախարար Ակիս Ցոխաձոպուլոսը փողերի լվացման մեղադրանքով կկանգնի դատարանի առջև: Այս մասին հաղորդել է հունական պետական հեռուստաընկերությունը:
Քաղաքական գործչի հետ միասին դատարանի առջև կկանգնեն 19 մարդ, այդ թվում՝ նրա կինը, դուստրը, հորեղբոր որդին, ինչպես նաև ընկերներն ու նախկին աշխատակիցները:
Դատական գործի լսումները նշանակվել են ապրիլի 22-ին: Ցոխաձոպուլոսին մեղադրում են միլիոնավոր կաշառքներ վերցնելու մեջ: Նախկին նախարարն անցած շաբաթ արդեն դատապարտվել է 8 տարվա ազատազրկման՝ սխալ հարկային հռչակագրի պատճառով: Ցոխաձոպուլոսից առգրավել են Ակրոպոլիսի մոտ գտնվող նրա առանձնատունը:
Քաղաքական գործիչը չի ընդունում իրեն ներկայացված բոլոր մեղադրանքները: