Դանիայի մայրաքաղաք Կոպենհագենի սրտում գտնվում է արտասովոր «պետություն՝ պետության ներսում». Freetown Christiania-ն համայնք է, որն ապրում է իր օրենքներով: Ազատ քաղաքն ունի սեփական արժույթ, դրոշ, փոստային բաժանմունք, ռեստորաններ ու խանութներ: Մուտքի մոտ կախված է ցուցանակ՝ «Դուք լքում եք Եվրամիությունը» գրությամբ։ Այս մասին հայտնում է Kulturologia.ru-ն:
«Ֆրիթուան»-ը՝ ինչպես տեղի բնակիչներն են անվանում քաղաքը, սկզբում եղել է ուղղակի լքված ռազմաբազա, որտեղ 1971-ին ապօրինաբար բնակվել են հիփիները: Առաջին բնակիչները եղել են անարխիստները։
Տեղի բնակիչները հայտարարում են, որ քաղաքի նպատակը «ինքնակառավարվող համայնքի ստեղծումն է, որտեղ յուրաքանչյուր մարդ պատասխանատվություն է կրում ամբողջ համայնքի բարեկեցության համար»։ Դանիայի կառավարությունը բազմիցս որոշել է այն վերացնել, սակայն բոլոր փորձեր անհաջողության են մատնվել։
Այժմ այնտեղ ապրում է մոտ 1000 մարդ, որոնցից մեկ քառորդը՝ երեխաներ: Այստեղ տները չեն վաճառվում, չի կարելի նաև տարածք սեփականաշնորհել: Քաղաքում ամեն ինչ պատկանում է համայնքին: Այնտեղ բնակվելու համար անհրաժեշտ է հայտարարություն տալ և սպասել մինչև կացարան ազատվի, ինչի մասին նշվում է Ugespejlet պարբերականում:
Քաղաքում չի կարելի օգտվել ավտոմեքենաներից: Այստեղ արգելված են նաև հրազենը, գողությունը, բռնությունն ու թմրանյութերը:
